Սպորտ
«Նա հսկայական ներուժ ունի, մենք դրանում չենք կասկածում». Անչելոտին՝ Գյուլերի մասին
3 Հունվարի, 17:16
Մադրիդի «Ռեալի» գլխավոր մարզիչ Կարլո Անչելոտին մեկնաբանել է թուրք ֆուտբոլիստ Արդա Գյուլերի վերադարձը շարք:
«Արդա Գյուլերը վերադարձել է, և նա սկսել է վերականգնել իր երբեմնի մարզավիճակը։ Մենք չենք արագացնում նրա վերադարձը, նա երկար տարիներ ժամանակ ունի խաղալու այս ակումբում։ Եթե ես կարողանամ, ապա այսօր խաղաժամանակ կտրամադրեմ Գյուլերին։
Նա հսկայական ներուժ ունի, մենք դրանում չենք կասկածում»,- ասել է Անչելոտին մամուլի ասուլիսի ժամանակ։
18-ամյա թուրքը Մադրիդի «Ռեալին. միացել է այս ամռանը «Ֆեներբախչեից» 20 մլն եվրոյի դիմաց: Սակայն Արդան այդպես էլ չկարողացավ նորամուտը նշել իսպանական ակումբում մշտական վնասվածքների պատճառով:
Հիշեցնենք, որ այսօր մադրիդյան ակումբը Լա Լիգայի շրջանակներում կմրցի «Մալյորկայի» հետ։
