Յուրգեն Կլոպի «Լիվերպուլը» միացել է «Միլանի» պորտուգալացի հարձակվող Ռաֆայել Լեաոյի համար պայքարին։
Մի շարք եվրոպական գրանդ ակումբներ, այդ թվում և «Լիվերպուլը», ցանկանում են իրենց հարձակման գիծն ուժեղացնել։
Մերսիսայդցիները պորտուգալացու համար պատրաստ են ոչ միայն խոշոր գումար, այլև կոլուբիացի իրենց աստղի՝ Լուիս Դիասի ծառայություններն առաջարկել։
Կլոպը կարծում է, որ Լեաոն հիանալի փոխարինում կլինի Սադիո Մանեի դիրքի համար, քանի որ ֆուտբոլիստի հեռանալուց հետո հարձակման դիրքում խնդիրները շարունակվում են՝ արդյունավետությունը չի գոհացնում «Լիվերպուլի» ղեկավարությանը։
Պորտուգալացի հարձակվողը բոլոր մրցաշարերում «Միլանի» կազմում անցկացրած 182 խաղում դարձել է 47 գոլի հեղինակ:
Նա իտալական գրանդին միացել է ֆրանսիական «Լիլից», և վերջին պայմանագիրը «Միլանի» հետ նախատեսված է մինչև 2028 թվականի ամառը:
