Երևանում ընթացող բռնցքամարտի պատանիների աշխարհի առաջնության 70 կգ քաշային կարգում Սամվել Սիրամարգյանը մրցել է Լեհաստանը ներկայացնող բռնցքամարտիկի հետ։
Գերլարված մենամարտում մեր մարզիկը, ցավոք, պարտություն է կրել և դարձել պատանիների աշխարհի առաջնության փոխչեմպիոն։ Մրցումային օրն ավարտում ենք մեկ ոսկե և երկու արծաթե մեդալներով․ ավելի վաղ արծաթե մեդալ էր նվաճել 52 կգ քաշային Արեն Խառատյանը, իսկ 48 կգ քաշայինների պայքարում Եվրոպայի կրկնակի չեմպիոն Վաղարշակ Քեյանը նվաճել էր չեմպիոնի կոչումը։
Դեկտեմբերի 4-ին ոսկե մեդալների համար կպայքարեն Հեղինե Պետրոսյանը (48 կգ), Առնո Դարչինյանը (46կգ), Տիգրան Հովսեփյանը (50 կգ), Անդրանիկ Մարտիրոսյանը (60 կգ), Արգիշտի Հակոբյանը (66 կգ) և Ալբերտ Հարությունյանը (75 կգ):
