Սպորտ
Հայաստանում կանցկացվի աշխարհի արագ և կայծակնային շախմատի առաջնության ընտրական մրցաշարերը
Նոյեմբերի 9-ից 11-ը Հայաստանի շախմատի ակադեմիայում կանցկացվեն Հայաստանի շախմատի ֆեդերացիայի կողմից կազմակերպված ՖԻԴԵ-ի աշխարհի արագ և կայծակնային շախմատի առաջնության ընտրական մրցաշարերը:
Արագ շախմատի մրցաշարը կանցկացվի նոյեմբերի 9-ից 10-ը՝ 9 խաղափուլով: Կայծակնային շախմատի մրցաշարը կանցկացվի նոյեմբերի 11-ին՝ 9 խաղափուլով: Արագ շախմատի ժամակարգը՝ 15 րոպե մինչև խաղի ավարտը՝ յուրաքանչյուր քայլի համար 10 վայրկյան հավելումով:
Կայծակնային շախմատի ժամակարգը՝ 3 րոպե մինչև խաղի ավարտը՝ յուրաքանչյուր քայլի համար 2 վայրկյան հավելումով: Մրցաշարին իրավունք ունեն մասնակցելու առնվազն 1-ին կարգ ունեցող շախմատիստները:
Հաջորդ փուլ անցնում են այն մասնակիցները, ովքեր երկու մրցաշարերի հանրագումարի արդյունքում կզբաղեցնեն առաջին և երկրորդ տեղերը: Մրցաշարում 1-ից 3-րդ տեղերը զբաղեցրած և մեկ ոչ վարկանշային լավագույն արդյունք ցույց տված մասնակիցները կպարգևատրվեն հատուկ մրցանակներով:
