Սպորտ
«Երբ մենք խաղում էինք «Սպորտինգում», գիշերները սովորաբար գնում էինք «McDonald 's». Ռոնալդուի խաղընկեր
«Սպորտինգի» ակադեմիայում Կրիշտիանու Ռոնալդուի խաղընկերը պատմել է պորտուգալացու մանկության մասին:
Ֆաբիո Պայմը Ռոնալդուի հետ ծանոթացել է պորտուգալական ակումբի ակադեմիայում, երբ ինքը եղել է ութ, իսկ Կրիշտիանուն՝ տասնմեկ տարեկան․
«Երբ մենք խաղում էինք «Սպորտինգում», ապրում էինք ակադեմիայում։ Գիշերները սովորաբար գնում էինք «McDonald 's»՝ բուրգերների համար, որոնք այլևս վաճառքի ենթակա չէին: Մենք ամեն երեկո գնում էինք այնտեղ: «Սպորտինգում» գիտեին այդ մասին։ Այն ժամանակ այնպես չէր, ինչպես հիմա։ Մեզ թույլ էին տալիս դուրս գալ փողոց։
Չեմ կարող ասել, որ մենք լավագույն ընկերներ էինք, բայց ընկերներ էինք: Արձակուրդները միասին անցկացրինք։ Մի անգամ դրանք անցկացրեցինք Բրազիլիայում․ դա Եվրո-2004-ից առաջ էր։ Սա Կրիշտիանուի համար Պորտուգալիայի հիմնական հավաքականի կազմում առաջին Եվրոպայի առաջնությունն էր, և մինչ այդ մենք մեկնել էինք արձակուրդ։ Ես մարզվում էի հավաքականի հետ, բայց շատ երիտասարդ էի խաղալու համար։ Ես կարող էի խաղալ, եթե ավելի մեծ լինեի:
Երբ ես առաջին անգամ հանդիպեցի Կրիշտիանուին, ես ութ տարեկան էի, նոր էի «Սպորտինգում» տեղափոխվել, և մենք գնացինք Մադեյրայի մրցմանը։ Մենք միասին լավ ժամանակ անցկացրինք։
Ֆուտբոլն այն ժամանակ մեզ համար այդքան էլ լուրջ չէր, բայց ես հիշում եմ, որ Ռոնալդուն միշտ աշխատասեր էր, իսկապես նվիրված և ցանկանում էր լինել լավագույնը: Նա միշտ այսպիսին էր, հիասթափվում էր, երբ պարտվում էր։ Նրա ջանքերը նրան տարան այնտեղ, որտեղ նա այժմ գտնվում է։ Նույնիսկ այսօր, երբ նրան պետք չէ խաղալ, նա ցանկանում է լինել լավագույնը:
Նա նվաճեց այն ամենը, ինչ կարող էր, այլևս ոչինչ չմնաց: Բայց դա այն ջանքերի արդյունքն է, որը մենք գործադրում էինք, երբ երեխա էինք։ Նույնիսկ ինքը չգիտեր, որ կհայտնվի այնտեղ, որտեղ հիմա է: Ես հավատում էի, որ նա ինչ-որ բանի կհասնի ֆուտբոլում, լավ խաղացող կդառնա, բայց ոչ նրան, որ նա այս մակարդակին կհասնի», – ասել է Պայմը:
