Սպորտ
«Պատկերացրեք, որ վերականգնվելուց չորս ամիս անց ես ստիպված կլինեմ նորից անցնել այդ ամենի միջով». Նեյմարը՝ վնասվածքի մասին
Նեյմարը խոսել է իր վնասվածքի մասին։
Բրազիլիայի հավաքականի հարձակվողը ձախ ծնկի վնասվածք է ստացել ԱԱ-2026-ի ընտրական փուլի Ուրուգվայի հետ խաղում (0:2): Նա փոխարինվել էր առաջին խաղակեսի վերջում և խաղադաշտը լքել պատգարակի օգնությամբ։
«Ալ Հիլալը» հայտարարել է, որ 31-ամյա ֆուտբոլիստի մոտ հայտնաբերվել է խաչաձև կապանների վնասվածք, ինչպես նաև մենիսկի պատռվածք: Հարձակվողը վիրահատության կենթարկվի և կանցնի վերականգնողական ծրագրի։
«Շատ տխուր պահ է, ամենավատը։ Գիտեմ, որ ուժեղ եմ, բայց այս անգամ ինձ ավելի շատ պետք կգան իմ հարազատներն ու ընկերները:
Վնասվածքի և վիրահատության միջով անցնելը հեշտ չէ, բայց պատկերացրեք, որ վերականգնվելուց չորս ամիս անց ես ստիպված կլինեմ նորից անցնել այդ ամենը:
Ես ունեմ հավատ, նույնիսկ շատ...
Շնորհակալություն աջակցության խոսքերի համար», - գրել է բրազիլացին Instagram-ում ։
