«Լիվերպուլի» վինգերը գումար է փոխանցել Եգիպտական «Կարմիր մահիկին»․ հայտնել է մարդասիրական կազմակերպության ղեկավարը:
«Կիրակի օրը նրա գործակալ Ռամի Աբբասի միջոցով մենք օգնություն ենք ստացել Գազայի բնակիչների հիմնական կարիքներն ու պահանջները հոգալու համար:
Նվիրատվության գումարը չհրապարակելու որոշումը կայացվել է Սալահի ցանկությամբ»,-ասել է Ռամի Ալ Նազիրը։
«Al-Hekaya» հեռուստաընկերության եթերում նա նաև նշել է, որ «Լիվերպուլի» ֆուտբոլիստն առաջին անգամ չէ, որ օգնում է պաղեստինցիներին․
«Մոհամեդ Սալահն արդեն օգնել է Գազայի բնակիչներին։ Սալահի համար անսովոր չէ դա։ Մեզ դիմեցին նրա բիզնես մենեջերի միջոցով, և նա մեզ տեղեկացրեց նման ցանկության մասին։
Նա բարեգործական գործունեության փորձ ունի, և մենք դրան սովոր ենք», – ասել է Ալ Նազիրը
