Սպորտ
«Եթե ստիպված լինեի գնալ այնտեղ, կասեի, որ միշտ երազել եմ դրա մասին». Մորատան՝ Սաուդյան Արաբիա տեղափոխության մասին
12 Հոկտեմբերի 2023, 15:10
Մադրիդի «Ատլետիկոյի» հարձակվող Ալվարո Մորատան պատմել է, որ քիչ է մնացել՝ նախորդ ամռանը հեռանա մադրիդյան ակումբից․ «Ես առաջարկներ ունեի Սաուդյան Արաբիայից։ Եթե ստիպված լինեի գնալ այնտեղ, կասեի, որ միշտ երազել եմ դրա մասին, որպեսզի զայրացնեմ ինձ ատող մարդկանց:
Սկզբում շատ մոտ էի ակումբից հեռանալուց, բայց հետո զրույց ունեցա Սիմեոնեի հետ, որից հետո թիմից հեռանալն անհնար դառավ։ Շատ եմ ցանկանում տիտղոս նվաճել «Ատլետիկոյի» հետ․ անհավատալի զգացողություն է:
Այս ամառ ես երկու անգամ երկարաձգեցի պայմանագիրը․ նախ, մինչև 2026թ․, հետո՝ ևս մեկ մրցաշրջան»,- Մորատայի խոսքը մեջբերել է Marca-ն։
Ընթացիկ մրցաշրջանում Մորատան «Ատլետիկոյի» կազմում անցկացրել է 9 խաղ և դարձել 7 գոլի հեղինակ:
