Սպորտ
«Առանց կատակի․ ես երբևէ եղած ամենակատարյալ ֆուտբոլիստն եմ». Իբրահիմովիչ
Շվեդական լեգենդար հարձակվող Զլատան Իբրահիմովիչը լրագրող Պիրս Մորգանին տված հարցազրույցում նշել է, որ ինքը պատմության ամենակատարյալ ֆուտբոլիստն է․
«Զուտ հմտություններով, առանց գավաթների և պարգևների, կարծում եմ, որ ես լավագույնն եմ: Առանց կատակի․ ես երբևէ եղած ամենակատարյալ ֆուտբոլիստն եմ։
Ես չեմ նվաճել «Ոսկե գնդակ» կամ չեմպիոնների լիգան։ Եթե այս բաները կարևոր են, ապա ես, հավանաբար, այս ցուցակում չեմ: Ես բախտ եմ ունեցել նվաճել 34 գավաթ, մի քանի անհատական մրցանակ, քանի որ դրանք բխում են թիմային նվաճումներից:
Բայց եթե խոսում ենք զուտ անհատական հմտությունների մասին, ապա, 100%, առանց կատակի, ես լավագույնն եմ», - ասել է «Յուվենտուսի», «Ինտերի», «Միլանի», ՊՍԺ-ի, «Բարսելոնայի» և «Մանչեսթեր Յունայթեդի» նախկին հարձակվողը՝ Պիրս Մորգանին տված հարցազրույցում:
