Սպորտ
Երկրորդ թեստը նույնպես դրական է. Պոգբային սպառնում 2-4 տարի որակազրկում
6 Հոկտեմբերի 2023, 18:08
Դոպինգ օգտագործելու մեջ մեղադրվող «Յուվենտուսի» կիսապաշտպան Պոլ Պոգբան կրկին տեստոստերոնի դրական դոպինգ-թեստ է հանձնել․ հայտնում է լրագրող Ֆաբրիցիո Ռոմանոն «X»-ի իր էջում:
Ավելի վաղ հաղորդվում էր, որ 30-ամյա Պոգբային սպասվում է 2-4 տարվա որակազրկում։ «Յուվենտուսը» կքննարկի նաև ֆրանսիացի ֆուտբոլիստի պայմանագրի վաղաժամկետ դադարեցման տարբերակները:
ԶԼՄ-ներում նաև տեղեկություններ են հայտնվել, որ ֆուտբոլիստը մտադիր է դատական պրոցեսում պաշտպանությունը կառուցել հակադոպինգային կանոնների խախտման մասին «անտեղյակության» և կիրառած արտադրանքի արգելված հատկությունների «անտեղյակության» վրա: Միևնույն ժամանակ, «Յուվենտուսը» պատրաստ էր կասեցնել ֆուտբոլիստի աշխատավարձի վճարումը՝ ղեկավարվելով համատեղ պայմանագրի համապատասխան կետով:
