Չավին քննադատել է «Բարսելոնային» «Մալյորկայի» հետ խաղում (2:2) պաշտպանությունում թույլ տված սխալների համար․
«Խնդիրն այն է, որ մրցակիցը մեր սխալից հետո հաշվի մեջ առաջ անցավ։ Երբ մենք սկսեցինք ցուցադրել մեր լավագույն ֆուտբոլը, ևս մեկ սխալ տեղի ունեցավ պաշտպանությունում։ Նման սխալներ չպետք է լինեն, հատկապես՝ այդքան ինտենսիվ և հավասար խաղերում: Մենք ունեինք ակնհայտ գոլային պահեր, բայց չափազանց շատ բաց թողեցինք՝ թույլ տալով երկու ակնհայտ սխալ։ Մենք ոչ-ոքի խաղացինք, դա մեզ համար բավարար չէ։
Մենք ցանկանում ենք հոգ տանել Լամին Յամալի մասին։ Նա մեզ շատ բան է տալիս, նա հասուն խաղացող է, բայց մենք պետք է զգույշ լինենք։ Ես գոհ եմ նրա ջանքերից։
Կարծում եմ՝ հավասարեցնելով հաշիվը՝ մենք վերահսկողության տակ վերցրեցինք խաղը։ Մենք ստեղծեցինք 1-2 լավ պահ: Բայց, ընդհանուր առմամբ, պահերը բավական էին, որպեսզի հաղթեինք նույնիսկ ընդմիջումից առաջ, սակայն մի սխալը մեզ համար մեծ խնդիրներ ստեղծեց։ Մենք չենք հաղթել սխալների պատճառով։
Մենք պետք է բարելավենք խաղը պաշտպանությունում։ Անցյալ տարի այն շատ ամուր էր: Այսօր մենք այդքան էլ վատ չէինք խաղում, բայց նման սխալներ չպետք է լինեն, դրանց պատճառով երկու միավոր կորցրեցինք», – ասել է «Բարսելոնայի» գլխավոր մարզիչը:
