Ռուսաստանցի գործարար Անտոն Զինգարևիչը, որին պատկանում էր անգլիական «Ռեդինգը», կդառնա Հայաստանի Պրեմիեր լիգան ներկայացնող Չարենցավանի «Վանի» նոր սեփականատերը:
Ինչպես հայտնի դարձավ Sportball24.com. հայկական ակումբի բաժնետոմսերի վերահսկիչ փաթեթը կանցնի ռուսաստանցի գործարարին, երբ տվյալները գրանցվեն առևտրային ռեգիստրում: Այս պահին բանակցություններն ավարտական փուլում են։
Անտոն Զինգարևիչը անգլիական «Ռեդինգի» նախկին սեփականատերն է։ Ակումբի բաժնետոմսերի վերահսկիչ փաթեթը ձեռք է բերել 2012 թվականին, սակայն նա այն վաճառել է երկու տարի անց և դուրս եկել տնօրենների խորհրդի կազմից։ 2021 թվականին գործարարը ձեռք է բերել բուլղարական «Բոտեվը»։ Ռուս օլիգարխը կապ ունի նաև դանիական «Ֆրեմադ Ամագեր» և Գելենջիկի «Վիստա» ֆուտբոլային ակումբների հետ, որի հետ վերջերս «Վանը» ընկերական հանդիպում է անցկացրել (1:1) սեպտեմբերի 4-ին՝ Չարենցավանում:
Սպասվում է, որ «Վանը» հանգրվան կդառնա երիտասարդ ֆուտբոլիստների համար, ովքեր կժամանեն «Վիստայից»:
