Սպորտ
«Վերջին երկու խաղերում քիչ պահեր եմ ունեցել». Լևանդովսկին խոսել է իր մարզավիճակի մասին
«Բարսելոնայի» լեհ հարձակվող Ռոբերտ Լևանդովսկին խոսել է իր խաղի մասին․
«Ես պետք է պահպանեմ իմ մակարդակը, վերադառնամ ճիշտ ուղու վրա։ Իմ տոնուսը կբարելավվի յուրաքանչյուր խաղի հետ: Յուրաքանչյուր սեզոն տարբեր է, և այս սեզոնը շատ երկար է: Մենք շատ խաղեր ունենք, և ես կարծում եմ, որ կարևոր է ոչ թե՝ ինչպես ես այն սկսում, այլ ինչպես ես ավարտում:
Կարծում եմ, որ իմ փորձով, երբ ես գիտեմ իմ մարմինը, ես փնտրում եմ լավագույն լուծումը ոչ միայն ինձ համար, այլև թիմի համար, հասկանում եմ, որ երբեմն, երբ գտնվում եմ երկու կենտրոնական պաշտպանների միջև, և պաշտպանների համար ավելի հեշտ է այդպես խաղալ իմ դեմ, շատ խաղերում գոլ խփելու շատ շանսեր չունեմ։ Վերջին երկու խաղերում քիչ պահեր եմ ունեցել, շատ գոլային պահեր չեմ ունեցել։ Այդ պատճառով երբեմն ստիպված եմ եղել ինքս պահեր ստեղծել»,- Լևանդովսկու խոսքը մեջբերել է Eleven Sports-ը:
