ՊՍԺ-ում վստահ են, որ Մբապեն այս տարի կմնա թիմում
Սպորտ
21 Օգոստոսի, 14:22
Ֆրանսիական ՊՍԺ-ի ղեկավարությունը լիովին վստահ է, որ թիմի հարձակվող Կիլիան Մբապեն կմնա ակումբում: Այս մասին Twitter-ի իր էջում հայտնել է լրագրող Ֆլորիան Պլետենբերգը։
Աղբյուրի տեղեկություններով՝ ՊՍԺ-ի ղեկավարության մոտ նման տրամադրություններ են ի հայտ եկել Մբապեի և ակումբի նախագահ Նասեր Ալ-Խելայիֆի հետ զրույցից հետո: Փարիզցիները չեն ակնկալում, որ Մադրիդի «Ռեալը» հարձակվողի տեղափոխության առաջարկ կանի առաջիկա երկու շաբաթվա ընթացքում՝ մինչև տրանսֆերային պատուհանի փակումը:
Հիշեցնենք, որ հարձակվողի պայմանագիրը փարիզցիների հետ նախատեսված է մինչև 2024 թվականի հունիսը: Ավելի վաղ Մբապեն հրաժարվել էր 2024/2025 մրցաշրջանի համար պայմանագրի ավտոմատ երկարաձգման տարբերակից:
Հետևեք մեզ Telegram-ում
