ՊՍԺ-ի կիսապաշտպան Լեանդրո Պարեդեսը տեղափոխվել է իտալական «Ռոմա»: Այս մասին հայտնում է իտալական թիմի մամուլի ծառայությունը: Աշխարհի գործող չեմպիոնը «Ռոմայի» հետ երկու տարվա պայմանագիր է կնքել:
«Հռոմ վերադառնալը միշտ էլ հուզիչ է, իսկ «Ռոմայի» մարզաշապիկ կրելը՝ առավել ևս։ Շնորհակալություն եմ հայտնում երկրպագուներին ինձ հյուրընկալելու համար, և ակումբին՝ եվրոպական կարիերայիս մեկնարկը տված թիմ վերադարձնելու համար։
Անցյալ տարի ես մեծ ուրախություն ապրեցի աշխարհի առաջնությունում հաղթելու կապակցությամբ, իսկ այժմ ցանկանում եմ շարունակել հաղթել և համոզված եմ, որ կկարողանամ դա անել «Ռոմայի» հետ»,- Պարեդեսի խոսքերն է փոխանցել «Ռոմայի» մամուլի ծառայությունը:
Հիշեցնենք, որ 29-ամյա Պարեդեսը «Ռոմայում» խաղացել է 2014-2017 թվականներին, որտեղից տեղափոխվել է «Զենիթ»: Այնուհետ նա հանդես է եկել «Յուվենտուսում» և ՊՍԺ-ում:
