Սպորտ
«Փարիզի օլիմպիական խաղերին ոչ մի ռուսաստանցի չպիտի մասնակցի». Պոդոլյակ
15 Օգոստոսի 2023, 18:22
Ուկրաինայի նախագահի գրասենյակի խորհրդական Միխայիլ Պոդոլյակը հայտարարել է, որ երկրի դիրքորոշումը 2024թ․ Փարիզում կայանալիք օլիմպիական խաղերին ռուսների և բելառուսների մասնակցության հարցում մնում է անփոփոխ: Ուկրաինան շարունակում է պնդել, որ Ռուսաստանի և Բելառուսի աթլետները չմասնակցեն մրցաշարին:
«Ուկրաինայի դիրքորոշումն, անկասկած, անփոփոխ է. 2024 թվականի օլիմպիադային Ռուսաստանից մասնակից չի կարող լինել։ Սպորտը քաղաքականությունից դուրս չէ, սպորտը հենց քաղաքականություն է»,- գրել է Պոդոլյակը սոցիալական ցանցերում:
Հատկանշական է, որ Ուկրաինայի վարչապետ Դենիս Շմիգալը նշել է, որ եթե ռուսները ու բելառուսները մասնակցեն Փարիզի օլիմպիադային, խաղերը կբոյկոտվեն 35 երկրի կոալիցիայի կողմից:
