Սպորտ
Հարի Մագուայրի տրանսֆերը «Մանչեսթեր Յունայթեդից» «Վեսթ Հեմ» կարող է ձախողվել
Ինչպես գրում է թե Guardian-ը, լոնդոնյան ակումբը մտահոգված է Մագուայերի տրանսֆերի ուշացման պատճառով և պատրաստում է այլընտրանքային թեկնածուների ցանկ՝ պաշտպանության կենտրոնն ուժեղացնելու համար:
«Վեստ Հեմի» գլխավոր մարզիչ Դևիդ Մոյեսը պնդել է Մագուայերի տրանսֆերի իրականացման հարցում, և անցած շաբաթ ակումբը համաձայնեցրել է «Մանչեսթեր Յունայթեդի» հետ պաշտպանի տեղափոխությունը 30 մլն ֆունտի դիմաց: Հարրին «Վեսթ Հեմի» հետ համաձայնության է եկել անձնական պայմանագրի պայմանների շուրջ, սակայն գործարքը դեռ չի փակվել:
Խնդիրն այն է, որ Մագուայրը ցանկանում է աշխատավարձի մասնակի փոխհատուցում ստանալ «Ման.Յունայթեդից»: Ակումբի՝ չեմպիոնների լիգա դուրս գալուց հետո նրա աշխատավարձը զգալիորեն աճել է (սրանք Մագուայերի պայմանագրի պայմանների մեջ են մտնում), իսկ «Վեստ Հեմում» նա ավելի քիչ կվաստակի։
Առաջացած անորոշության պատճառով «Վեսթ Հեմը» վախենում է, որ Մագուայրը պարզապես ժամանակ է ձգում և վստահ չէ տեղափոխության հարցում: Լոնդոնցիներն այլևս չեն ցանկանում սպասել և դիտարկում են պաշտպանության կենտրոնի ուժեղացման այլ թեկնածուների տարբերակը։ Բացի այդ, սկաուտական բաժինը զգում է, որ «Վեստ Հեմը» կկարողանա ավելի արագ կենտրոնական պաշտպան ձեռք բերել: Ակումբին հետաքրքրում են «Բայերում» հանդես եկող Ջոնաթան Տան և Օդիլոն Կոսսունուն:
