Սպորտ
Մարսելոն ծանրագույն վանասվածք է հասցրել մրցակցին և արցունքն աչքերին հեռացվել խաղադաշտից (ՏԵՍԱՆՅՈՒԹ)
Մարսելոն Լիբերտադորեսի գավաթի խաղարկությունում պատահաբար ծանր վնասվածք է հասցրել «Արգենտինոս Խունիորսի» ֆուտբոլիստին:
Միջադեպը տեղի է ունեցել բրազիլական «Ֆլումինենսեի» և «Արգենտինոս Խունիորսի» միջև՝ Լիբերտադորեսի գավաթի խաղարկության 1/8 եզրափակիչի խաղում (1:1):
Մարսելոն, ով այժմ հանդես է գալիս բրազիլական ակումբի կազմում, փորձելով շրջանցել «Արգենտինոս Խունիորսի» պաշտպան Լուսիանո Սանչեսին, պատահաբար կանգնել է ֆուտբոլիստի ծնկի հատվածում, ինչի հետևանքով արգենտինացու ոտքը հակառակ ուղղությամբ է տեղաշարժվել:
Սանչեսի նկատմամբ կատարած խախտման համար Մարսելոն կարմիր քարտ է ստացել և արցունքն աչքերին լքել խաղադաշտը:
Խաղից անմիջապես հետո «Ռեալի» և Բրազիլիայի հավաքականի նախկին պաշտպանը սոցիալական ցանցերում հրապարակավ ներողություն է խնդրել տեղի ունեցածի համար:
«Այսօր խաղադաշտում ես ստիպված էի շատ ծանր պահ ապրել: Ես պատահաբար վնասվածք հասցրի խաղընկերոջս:
Մաղթում եմ Ձեզ շուտափույթ ապաքինում և աշխարհի ողջ ուժը», - Instagram-ում գրել է Մարսելոն:
