Սպորտ
Գվարդիոլան մտահոգություն է հայտնել ֆուտբոլիստների՝ Սաուդյան Արաբիայի առաջնություն տեղափոխության մասին
«Մանչեսթեր Սիթիի» գլխավոր մարզիչ Պեպ Գվարդիոլան պատմել է իր թիմում ստեղծված իրավիճակի մասին: Անգլիայի չեմպիոնները ստիպված են եղել Մերձավոր Արևելք բաց թողնել Ռիյադ Մահրեզին, քանի որ վերջինս անհավանական առաջարկ է ստացել:
Մասնագետի կարծիքով՝ Սաուդյան Արաբիան արդեն փոխել է տրանսֆերային շուկան և ստեղծել ուժեղ տեղական առաջնություն:
«Սաուդյան Արաբիան փոխել է շուկան։ Դեռ մի քանի ամիս առաջ, երբ Ռոնալդուն միակ աստղն էր, ով գնաց այնտեղ, ոչ ոք չէր մտածում, որ այդքան թոփ-ֆուտբոլիստներ նույնպես կխաղան այնտեղ: Ապագայում դրանք ավելի շատ կլինեն, ուստի ակումբները պետք է հասկանան, թե ինչ է կատարվում։
Մահրեզը անհավանական առաջարկ ստացավ, ուստի մենք չկարողացանք նրան ետ պահել։ Սա այլևս վտանգ չէ, այլ իրականություն։ Նրանք ցանկանում են ուժեղ լիգա ստեղծել, և առայժմ դա նրանց հաջողվում է։
Չգիտեմ, թե որքան կտևի Սաուդյան լիգան, բայց զգում եմ, որ երկար կտևի։ Շատ խաղացողներ ցանկանում են այս լիգայում խաղալու փորձ ձեռք բերել, այդ պատճառով պլանը կարող է լավ աշխատել», - ասել է Գվարդիոլան։
