Սպորտ
Մեսսին փայլում է՝ դառնալով դուբլի և գոլային փոխանցման հեղինակ (ՏԵՍԱՆՅՈՒԹ)
«Ինտեր Մայամիի» արգենտինացի հարձակվող Լիոնել Մեսին դուբլի և գոլային փոխանցման հեղինակ է դարձել MLS + MX լիգայի գավաթի խաղարկության 2-րդ տուրի խաղում: «Ինտեր Մայամին» սեփական հարկի տակ ընդունել էր «Ատլանտա Յունայթեդին»: Հանդիպումն ավարտվել է տանտերերի հաղթանակով՝ 4:0 հաշվով:
Արգենտինացին խաղադաշտում անցկացրել է 78 րոպե՝ տեղը զիջելով Ռոբի Ռոբինսոնին, իսկ Սերժի Բուսկետսին 72-րդ րոպեին փոխարինել Է Վիկտոր Ուլոան:
Հիշեցնենք, որ Լիոնել Մեսսին նորամուտը նոր թիմում նշել է նախորդ խաղում՝ փոխարինման դուրս գալով 54-րդ րոպեին: Լրացուցիչ ժամանակում նա հաղթանակ է պարգևել «Ինտեր Մայամիին»՝ հիանալի իրացնելով տուգանային հարվածը։
Լիգաների գավաթ (Leagues Cup), ակումբային մրցաշար է, որտեղ հանդես են գալիս թիմեր ԱՄՆ -ից և Մեքսիկայից։ Այս տարվանից այն դարձել է ԿՈՆԿԱԿԱՖ-ի հովանու ներքո անցկացվող պաշտոնական մրցաշար։ Լիգայի Գավաթի խաղարկության առաջին երեք տեղերը զբաղեցրած թիմերը ավտոմատ կերպով որակավորվում են ԿՈՆԿԱԿԱՖ-ի Չեմպիոնների լիգայում:
