Սպորտ
Հայկական ակումբները փայլում են «Կոնֆերենցիաների լիգայում»՝ ընդհանուր խփելով 13 գնդակ (ՏԵՍԱՆՅՈՒԹ)
Կոնֆերենցիաների լիգայի որակավորման առաջին փուլի պատասխան խաղում «Ալաշկերտը» հյուրընկալվելիս մրցեց Չեռնոգորիան ներկայացնող «Արսենալ Տիվատի» դեմ, իսկ «Արարատ-Արմենիան» արտագնա պատասխան խաղում մրցեց ալբանական «Էգնատիայի» հետ։
Պատասխան խաղում «Ալաշկերտը» մրցակցին ջախջախեց 6:1 հաշվով։ «Ալաշկերտի» կազմում հեթ-տրիկի հեղինակ դարձավ հարձակվող Ագդոն Մենեզեսը։ Մեկ գոլ խփեցին Եիսոն Ռասինեսը, Սերոբ Գրիգորյանն ու Անան Մենսահը։ Նշենք, որ Երևանում զույգերի առաջին խաղում գրանցվել էր 1:1 հաշիվը։
«Արարատ-Արմենիայի» և «Էգնատիայի» միջև խաղում ամեն ինչ շատ ավելի դրամատիկ ընթացք ստացավ։ Հանդիպման հիմնական ժամանակն ավարտվեց 2-2 հաշվով։ Լրացուցիչ ժամանակում թիմերը ևս փոխանակվեցին երկու գնդակներով՝ 4-4 և հանդիպումը տեղափոխվեց 11-մետրանոց հարվաշածար։
Այստեղ ուժեղ էին «Արարատ-Արմենիայի» ֆուտբոլիստների նյարդերը։ Հիշեցնենք, որ զույգերի առաջին խաղում Երևանում գրանցվել էր 1-1 հաշիվը։
Նշենք, որ հայկական 4 թիմ դուրս է եկել Կոնֆերենցիաների լիգայի երկրորդ փուլ. մինչև այս հանդիպումները Երևանի «Փյունիկը» դրսում ևս հաղթել է Էստոնիայի «Նարվա Տրանսին» 3-0 հաշվով, իսկ «Ուրարտուն» չնայած հաղթել էր պատասխան խաղում, բայց ընդհանուր հաշվով դուրս էր մնացել «Չեմպիոնների լիգայի» որակավորման փուլից և հանդես կգա «Կոնֆերենցիաների լիգայում»։
