Ինչպես արդեն տեղեկացրել էինք Հայաստանը ներկայացնող 4 ակումբներ դուրս են եկել «Կոնֆերենցիաների լիգայի» 2-րդ փուլ։ Հայտնի են, թե մեր թիմերի մրցակիցները ովքեր են լինելու երկրորդ փուլում։
«Ուրարտուն» Չեմպիոնների լիգայի որակավորման առաջին փուլում «Զրինսկիի» արգելքը չհաղթահարելուց հետո ԿԼ-ի որակավորման 2-րդ փուլում կմրցի Ռումինիայի չեմպիոն «Ֆարուլի» հետ։ Վարդան Մինասյանի գլխավորությամբ «Արարատ-Արմենիան» կմրցի հունական «Արիսի» դեմ։ «Փյունիկը» կխաղա Շվեդիան ներկայացնող «Կալմարի», իսկ «Ալաշկերտը»՝ հունգարական «Դեբրեցենի»։
Նշենք, որ դիմակայության առաջին հանդիպումները կկայանան հուլիսի 27-ին, իսկ պատասխան խաղերը` օգոստոսի 3-ին։ «Ալաշկերտն» ու «Արարատ-Արմենիան» առաջին հանդիպումները կանցկացնեն Երևանում, իսկ «Փյունիկը» և «Ուրարտուն»՝ դրսում. համապատասխանաբար՝ «Փյունիկը» կմեկնի Շվեդիա, իսկ «Ուրարտուն»՝ Ռումինիա։