Սպորտ
Ազգերի լիգա. Խորվաթիան դրամատիկ խաղում հաղթում Նիդերլանդներին (ՏԵՍԱՆՅՈՒԹ)
Ազգերի լիգայի եզրափակիչ փուլի կիսաեզրափակիչ առաջին խաղում Խորվաթիայի հավաքականը լրացուցիչ ժամանակում հաղթանակի հասավ Նիդեռլանդների թիմի նկատմամբ։
Հանդիպման 34-րդ րոպեին տան տերերի հարձակվող Դոնիել Մալենը առաջ մղեց Նիդերլանդների ընտրանուն։ Երկրորդ խաղակեսում հյուրերը կարողացան երկու գնդակ ուղարկել մրցակցի դարպասը. հաջողության հասան Անդրեյ Կրամարիչը և Մարիո Պաշալիչը, սակայն տան տերերը չէին ցանկանում հանձնվել:
Մրցավարի կողմից ավելացված 6-րդ րոպեին նրանք հավասարեցրին հաշիվը, գոլ հեղինակեց բելգիական «Բրյուգեի» հարձակվող Նոա Լանգը՝ խաղը տեղափոխելով լրացուցիչ ժամանակ:
Լրացուցիչ ժամանակի ընթացքում Աշխարհի առաջնության բրոնզե մեդալակիրները կրկին կամային որակներ դրսևորեցին՝ առաջ անցնելով հաշվի մեջ:
Այս անգամ գնդակը ցանցն ուղարկեց հյուրերի հարձակվող Բրունո Պետկովիչը, իսկ թիմի ավագ Լուկա Մոդրիչը ձևակերպեց հանդիպման վերջնական հաշիվը՝ խաղավերջում դիպուկ իրացնելով 11 մետրանոց հարվածը: Խաղն ավարտվեց 4-2 հաշվով հօգուտ հյուրերի:
