Ավելի վաղ հաղորդվում էր, որ Մոդրիչը «Ռեալի» ղեկավարությանը տեղեկացրել է մրցաշրջանի ավարտից հետո ակումբը լքելու ցանկության մասին: Խորվաթ ֆուտբոլիստը, իբր, առաջարկ է ստացել Սաուդյան Արաբիայից, որը թույլ կտա 3 տարում 120 մլն եվրո վաստակել:
Cadena SER-ի լրագրող Անտոնիո Ռոմերոյի տեղեկություններով՝ Մոդրիչը հետաքրքրված է միայն «Ռեալում» մնալու հարցում, ինչի մասին բազմիցս հայտնել է ակումբի ղեկավարությանը:
Ջուդ Բելինգհեմի հնարավոր տեղափոխությունը «Ռեալ» և այդ կապակցությամբ կազմում տեղ զբաղեցնելու համար մրցակցության աճը չեն փոխում Մոդրիչի ծրագրերը:
Բացի այդ, հերքվել է Սաուդյան Արաբիայից ստացված առաջարկի մասին տեղեկությունը։ Հաղորդվում է, որ մի քանի շաբաթ առաջ Մոդրիչը առաջարկ է ստացել Քաթարի ակումբներից մեկից, սակայն անմիջապես մերժել է այն, քանի որ ցանկանում է կարիերան շարունակել միայն «Ռեալում»:
