Մխիթարյանի բացառիկ ցուցանիշը. հայ ֆուտբոլիստը կարող է դառնալ աշխարհում առաջինը
Սպորտ
17 Մայիսի, 12:40
Միլանի «Ինտերը» երկու խաղերի արդյունքում հաղթեց «Միլանին» և 2010 թվականից հետո առաջին անգամ դուրս եկավ Չեմպիոնների լիգայի եզրափակիչ:
Սա նշանակում է, որ հայ կիսապաշտպան Հենրիխ Մխիթարյանը կարող է դառնալ պատմության մեջ առաջին ֆուտբոլիստը, որը նվաճել է եվրագավաթների երեք գլխավոր մրցանակները:
Հենրիխի հավաքածուում արդեն կան Եվրոպայի լիգայի-2016/17-ի («Մանչեսթեր Յունայթեդի» հետ) և Կոնֆերենցիաների լիգայի-2021/22-ի («Ռոմայի» հետ) գավաթները: Բացակայում է միայն Չեմպիոնների լիգայի գավաթը։
Նշենք, որ մտահոգություններ կան՝ կապված Հենրիխի վնասվածքի հետ․ ֆուտբոլիստը երեկ տեղի ունեցած հանդիպման առաջին խաղակեսի վերջում փոխարինվեց։ Նախնական տվյալներով՝ նրա աջ ազդրի քառագլուխ մկանն է վնասվել, սակայն ամեն ինչ պարզ կդառնա մոտ օրերս։
Հիշեցնենք, որ Չեմպիոնների լիգայի եզրափակիչը տեղի կունենա հունիսի 10-ին՝ Ստամբուլում:
