«Բարսելոնան» չի կարողանում համաձայնության գալ Լա Լիգայի հետ նոր ֆինանսական ծրագրի շուրջ: Ինչպես հաղորդում է Diario Sport-ը, կատալոնական ակումբի ղեկավարությունը մի քանի շաբաթ անհաջող փորձում է լիգայի ներկայացուցիչների հետ համաձայնեցնել ֆինանսական ֆեյր-փլեյի հարցի լուծման տարբերակները:
Ակումբի ծախսերը խիստ գերազանցում են եկամուտները, ինչի պատճառով «Բարսայի» նկատմամբ մի շարք սահմանափակումներ են մտցվել: «Բարսելոնան» պետք է նվազեցնի իր ծախսերը առնվազն 200 միլիոն եվրոյով (որոշ աղբյուրներ հայտնում են 350 միլիոն գումարի մասին): Ակումբի ղեկավարները գիտեն, որ այդ պահանջների կատարումը դժվար կլինի, այդ պատճառով էլ բանակցություններ են սկսել Լա Լիգայի հետ՝ հույս ունենալով գտնել խնդրի լուծման տարբերակը, որը կօգնի «բլաուգրանային» ուժեղացնել կազմը:
Տարբերակների շարքում, որոնք հայտարարել են, երեք տարվա ընթացքում ծախսերի կրճատումն է եղել, սակայն կողմերը համաձայնության չեն եկել: Լա Լիգան կարծում է, որ «Բարսայի» համար չափազանց դժվար կլինի համապատասխանեցվել հմանված պահանջներին:
Լիգայի սահմանափակումները կատալոնացիներին թույլ չեն տալիս գրանցել Գավիի, Ռոնալդ Արաուխոյի և Սերժի Ռոբերտոյի պայմանագրերը: Դա կարող է նաև խանգարել ամառային տրանսֆերների իրականացմանը. Ակումբը մտադիր է ձեռք բերել Լիոնել Մեսիին, Իլկայ Գյունդոգանին և Ինիգո Մարտինեսին:
