Սպորտ
Ըմբշամարտի Եվրոպայի առաջնություն. Վազգեն Թևանյանը մեկնարկում է վստահ հաղթանակով
Խորվաթիայի մայրաքաղաք Զագրեբում մեկնարկել և ընթանում է ըմբշամարտի Եվրոպայի առաջնությունը։ Հայաստանի 5 ըմբիշներից չորսը սկսել են պայքարը:
Արման Ավագյանը (79 կգ) 1/8 եզրափակիչում 5-1 հաշվով հաղթեց բուլղարացի Միխայիլ Իլիևին: Կիսաեզրափակիչ դուրս գալու համար հայ ըմբիշը կգոտեմարտի ռումինացի Մաքսիմ Վասիլիոգլոյի հետ:
Աշխարհի գավաթակիր Վազգեն Թևանյանը (65 կգ) ևս պայքարը սկսեց 1/8 եզրափակիչից՝ 10-0 հաշվով հաղթեց Իսրայելը ներկայացնող Ջոշուա Սթյուարտին: Թևանյանը քառորդ եզրափակիչում կմրցի Ալբանիան ներկայացնող Իսլամ Դուդաևի և ադրբեջանցի Ալի Ռահիմեադայի գոտեմարտի հաղթողի հետ:
57 կգ քաշային կարգում Մանվել Խնձրցյանը մեկնարկում 5:8 հաշվով պարտվեց բուլղարացի Գեորգի Վանգելովին, իսկ Սերգեյ Սարգսյանը (97 կգ) մեկնարկային գոտեմարտում 0։8 հաշվով զիջեց գերմանացի Էրիկ Տիելին։
Հայաստանի մյուս ներկայացուցիչ, 70 կգ քաշային Արման Անդրեասյանը պայքարը կսկսի քառորդ եզրափակչից։
