Հալանդը ճախրում է և օգնում «Սիթի»-ին ջախջախել մրցակցին (ՏԵՍԱՆՅՈՒԹ)
Սպորտ
15 Մարտի, 10:11
Չեմպիոնների լիգայի 1/8 եզրափակչի պատասխան խաղում «Մանչեսթեր Սիթին» սեփական հարկի տակ խոշոր հաշվով հաղթեց «Լայպցիգին»՝ 7։0։ «Քաղաքաբնակների» հարձակվող Էրլինգ Հոլանդը բենեֆիս էր պատրաստել և դարձավ պենտա-տրիկի հեղինակ` մրցակցի դարպասը գրավելով 5 անգամ։ Մեկական գոլ էլ խփեցին կիսապաշտպաններ Իլկայ Գյունդոգանը և Կևին Դե Բրույնեն։
Հիշեցնենք, որ դիմակայության առաջին խաղում գրանցվել էր 1:1 հաշիվը։ Այսպիսով, «Մանչեսթեր Սիթին» ընդհանուր դիմակայությունում հաղթեց 8:1 հաշվով և դուրս եկավ Չեմպիոնների լիգայի 1/4 եզրափակիչ։
