«Տեղափոխվիր «Ռեալ», ես քեզ ինքնագրով մարզաշապիկ կուղարկեմ». Գուտին՝ Խվիչա Կվարացխելիային (ՏԵՍԱՆՅՈՒԹ)
Սպորտ
7 Մարտի, 17:39
Իսպանիայի հավաքականի և Մադրիդի «Ռեալի» հայտնի ֆուտբոլիստ Գուտին Խվիչա Կվարացխելիային կոչ է արել տեղափոխվել «Ռեալ» և խոստացել ինքնագրով մարզաշապիկ նվիրել նրան:
Ավելի վաղ «Նապոլիի» կիսապաշտպանը բազմիցս պատմել էր, որ Գուտին իր կուռքն է եղել մանկության տարիներին։
«Ես չգիտեի, որ Կվարացխելիայի կուռքն եմ եղել։ Խվիչա, տեղափոխվիր «Ռեալ»։ Այդ ժամանակ ես քեզ ինքնագրով շապիկ կուղարկեմ», - El Chiringuito TV-ի եթերում ասել է մադրիդյան ակումբի նախկին ֆուտբոլիստը։
Այս մրցաշրջանում Խվիչան «Նապոլիի» կազմում բոլոր մրցաշարերում անցկացրած 27 հանդիպումներում խփել է 12 գոլ և կատարել 13 գոլային փոխանցում և հայտնվել է մի շարք գրանդ-ակումբների ուշադրության կենտրոնում։
«Դժվար է ընտրել Ռոնալդուի և Մեսսիի միջև, բայց Կրիշտիանուն իմ կուռքն է, ամենասիրված խաղացողը Գուտիից հետո», - ասել էր վրացի խաղացողը։
🎁 "𝑻𝒆 𝒗𝒐𝒚 𝒂 𝒓𝒆𝒈𝒂𝒍𝒂𝒓 𝒎𝒊 𝒄𝒂𝒎𝒊𝒔𝒆𝒕𝒂”
— El Chiringuito TV (@elchiringuitotv) March 7, 2023
👏La promesa de @GUTY14HAZ... a su fan número 1, anoche en @elchiringuitotv. pic.twitter.com/1PNFcDPFeU
