Հայ ըմբիշները մեդալներ են նվաճել Բուլղարիայում
Սպորտ
4 Մարտի, 22:50
Հունահռոմեական ոճի ըմբշամարտի Հայաստանի հավաքականը Բուլղարիայում մասնակցում է Դան Կոլովի և Նիկոլա Պետրովի անվան հուշամրցաշարին:
Ինչպես տեղեկացնում է Հայաստանի ըմբշամարտի ֆեդերացիան, 87 կգ քաշային Վիգեն Նազարյանը դարձել է հուշամրցաշարի բրոնզե մեդալակիր: 55 կգ Ռուդիկ Մկրտչյանն ու 63 կգ Հրաչյա Պողոսյանը նվաճել են արծաթե մեդալներ:
67 կգ քաշային Սլավիկ Գալստյանն ու 77 կգ Մալխաս Ամոյանը դուրս են եկել մրցաշարի եզրափակիչ: Ոսկե մեդալների համար նրանք կպայքարեն մարտի 5-ին:
