Ստրանջայի մրցաշարում հայ բռնցքամարտիկների հաղթարշավը շարունակվում է
Սպորտ
22 Փետրվարի, 19:02
Բուլղարիայում ընթացող բռնցքամարտի Ստրանջիայի մրցաշարում այսօր գեղեցիկ հաղթանակ է տոնել Հայաստանի չեմպիոն, 60 կգ քաշային Արթուր Ղազարյանը: Հայ մարզիկը համառ պայքարում առավելության է հասել իսպանացի Սալվադոր Ֆլորեսի նկատմամբ:
Ընդ որում՝ Ղազարյանը հաղթանակը կորզել է 3-րդ ռաունդում: Առաջին ու 2-րդ ռաունդներում մրցավարները 3:2 հաշվով հաղթանակը շնորհել են իսպանացուն, բայց 3-րդ ռաունդում հայ բռնցքամարտիկը չափազանց գրագետ մենամարտ է անցկացրել ու ռաունդը շահելով 5:0 հաշվով՝ բեկել է նաև ընդհանուր մենամարտի ընթացքը: Արդյունքում՝ 3:2 հոգուտ Ղազարյանի:
Հետևեք մեզ Telegram-ում
