Սպորտ
«Երբ ընտրում էի Հայաստանը, լսում էի սրտիս. դա իմ ընտրությունն է, նույնիսկ չեմ խոսել դրա մասին ծնողներիս հետ». Սպերցյան
Հայաստանի հավաքականի և «Կրասնոդարի» կիսապաշտպան Էդուարդ Սպերցյանը Sport.ru կայքին ծավալուն հարցազրույց է տվել, որտեղ անդրադարձել է հավաքական իր տեղափոխմանը և Կապարոսի հետ հարաբերություններին։
«Հավաքականն ու ակումբը բոլորովին այլ զգացողություններ են։ Հավաքականում առաջին անգամ հանդիպեցի մի իրավիճակի, երբ քեզ երկրպագում է ամբողջ երկիրը։ Դիմադրության մակարդակը նույնպես տարբեր է. նախօրեին ես խաղում էի լավագույն խաղացողների համար, իսկ այսօր դուրս եմ գալիս Գյունդոգանի, Մյուլերի, Մոդրիչի դեմ։
Մինչև վերջերս Հայաստանը մարզում էր Խոակին Կապարոսը, որը կանգնած էր ՈՒԵՖԱ-ի երկու անընդմեջ գավաթ նվաճած «Սևիլիայի» ակունքներում: Կապարոսը շատ պատմություններ էր պատմում այդ թիմի մասին, օրինակ՝ Սերխիո Ռամոսի մասին. «Ռամոսն առաջինն էր ամենուր՝ խաղադաշտում, հանդերձարանում, գիշերային ակումբում։ Դուք նույնպես պետք է ձգտեք միշտ առաջինը լինել»։
Հավաքականի շնորհիվ ծանոթացա Հենրիխ Մխիթարյանի հետ։ Հենրիխն ասում էր. «Միշտ լսիր սրտիդ ձայնին»: Երբ ընտրում էի Հայաստանը, լսում էի սրտիս։ Դա իմ ընտրությունն է, նույնիսկ չեմ խոսել դրա մասին ծնողներիս հետ: Եվ ոչ մի բանի համար չեմ ափսոսում»,- ասել է Սպերցյանը։
