Ռոնալդուն առաջին գոլն է խփել «Ալ-Նասրի» կազմում՝ պաշտոնական խաղերում
Սպորտ
3 Փետրվարի, 21:29
«Ալ-Նասրի» հարձակվող Կրիշտիանու Ռոնալդուն արաբական ակումբի կազմում առաջին գոլն է խփել պաշտոնական խաղերում։
Սաուդյան Արաբիայի առաջնության 15-րդ տուրում «Ալ-Նասրն» արտագնա ոչ-ոքի խաղաց «Ալ-Ֆաթեհ»-ի հետ (2:2): Ռոնալդուն ամբողջ հանդիպումն անցկացրել է ավագի թևկապով և 93-րդ րոպեին հավասարեցրել է հաշիվը՝ իրացնելով 11 մետրանոցը։
Հիշեցնենք, որ Կրիշտիանուն պայմանագիր է ստորագրել «Ալ-Նասրի» հետ 2022 թվականի վերջին՝ նախքան «Մանչեսթեր Յունայթեդի» հետ պայմանագիրը խզելը։
Սաուդյան Արաբիայում կայացած երկու պաշտոնական խաղում Ռոնալդուն աչքի չի ընկել արդյունավետ գործողություններով։ Միաժամանակ, պորտուգալացին դուբլի հեղինակ է դարձել ՊՍԺ-ի հետ «Ալ-Նասրի» և «Ալ-Հիլալի» միացյալ թիմի կազմում՝ ընկերական խաղում (4:5):
Հետևեք մեզ Telegram-ում
