Իսպանիայում ընթացող բռնցքամարտի երիտասարդների աշխարհի առաջնությունում Հայաստանն ապահովել է առնվազն բրոնզե մեդալ: Այս մասին հայտնում է Հայաստանի բռնցքամարտի ֆեդերացիան։
Եվրոպայի գործող չեմպիոն Էրիկ Իսրայելյանը ժամանակից շուտ հաղթել է մեքսիկացի Ռաուլ Էռերիային և կիսաեզրափակչում է:
Իսրայելյանը բոլոր ռաունդներում ունեցել է նկատելի առավելություն, իսկ երրորդ ռաունդում երկու անգամ նոկդաունի է ենթարկել մրցակցին, որից հետո մրցավարը դադարեցրել է մենամարտը՝ հաղթանակը շնորհելով Իսրայելյանին: