Սպորտ
Հայ բռնցքամարտիկները հաղթանակներով են մեկնարկել Իտալիայում ընթացող Եվրոպայի առաջնությունում
28 Սեպտեմբերի 2022, 21:26
Կաշվե ձեռնոցի հայ պատվիրակները տպավորիչ հաղթանակներով են մեկնարկել Իտալիայում ընթացող բռնցքամարտի ավագ տարիքի պատանիների Եվրոպայի առաջնությունում: Մրցումների մեկնարկային օրը մեր 5 մարզիկներից 4 հաղթանակ են տոնել:
57 կգ քաշային Անդրանիկ Մարտիրոսյանը հաղթել է Ալբանիայի ներկայացուցչին: 3-րդ ռաունդում մեր մարզիկի հարվածից հետո մրցավարը հաշիվ է բացել ու դադարեցրել մենամարտը: Գեղեցիկ հաղթանակ է տոնել նաև 66 կգ քաշային Արգիշտի Հակոբյանը, որը 5:0 հաշվով առավելության է հասել Բուլղարիան ներկայացնող Հիշամ Խալիլիի նկատմամբ:
60 կգ քաշային Ռաֆայել Ներսիսյանը պարտության է մատնել թուրք Օմեռ Աբդուլահին, իսկ 75 կգ քաշային Ալբերտ Հարությունյանը ուժեղ է գտնվել հույն մրցակցից:
