«Սա վերջին տարիների հայկական սպորտի ամենավառ սենսացիան ու անակնկալն էր». այս մասին այսօր լրագրողնորի հետ ճեպազրույցում ասաց ՀՀ ԿԳՄՍ նախարարի տեղակալ Կարեն Գիլոյանը՝ խոսելով շախմատի հավաքականի հետ կապված ակնկալիքներից։
Կարեն Գիլոյանը մտածել է՝ եթե հնգյակ մտնենք, շատ լավ կլինի. «Բայց տղաները ապացուցեցին, որ թիմում կարևոր չէ վառ աստղի առկայությունը։ Թիմը հաջողության է հասնում, երբ օրգանապես զգում են միմյանց»։
Հիշեցնենք՝ Շախմատի Հայաստանի հավաքականը նվաճեց Հնդկաստանի Չենայ քաղաքում անցկացված Համաշխարհային օլիմպիադայի փոխչեմպիոնի կոչումը։
