Ազատ ոճի ըմբշամարտի Եվրոպայի երիտասարդական առաջնությունում Հայկ Պապիկյանին պարտված ադրբեջանցի Սաբիր Ջաֆարովը Հայաստանի օրհներգի ժամանակ իջել է պատվո հարթակից:
Հայաստանի ըմբշամարտի ֆեդերացիան տեղում բողոք է ներկայացրել Ըմբշամարտի միջազգային ֆեդերացիային, և այդ մարզիկը որակազրկվել ու հեռացվել է։ Տեղի է ունեցել նոր պարգևատրություն։
Հիշեցնենք, որ 70 կգ քաշայինների պայքարում Հայկ Պապիկյանը եզրափակչում 3։2 հաշվով հաղթել էր ադրբեջանցի և հռչակվել չեմպիոն։