Սպորտ
«Կարող եմ հաստատել՝ մենք պայմանագիր ենք կնքել Անդրե Օնանայի ու Հենրիխ Մխիթարյանի հետ». «Ինտերի» գործադիր տնօրեն
20 Հունիսի 2022, 14:05
Հայաստանի ազգային հավաքականի նախկին ավագ Հենրիխ Մխիթարյանը մարզական կարիերան կշարունակի «Ինտերում»՝ հաստատել է միլանյան ակումբի գլխավոր գործադիր տնօրեն Ջուզեպե Մարոտան:
«Կարող եմ հաստատել՝ մենք պայմանագիր ենք կնքել Անդրե Օնանայի ու Հենրիխ Մխիթարյանի հետ: Գործարքները կայացած են»,- ինսայդեր Ֆաբրիցիո Ռոմանոյի հաղորդմամբ՝ ասել է միլանյան ակումբի տնօրենը:
Մարոտան հաստատել է նաև, որ ակումբը բանակցություններ է վարում Լուկակուի և Դիբալայի ձեռքբերման վերաբերյալ:
Հիշեցնենք՝ Հենրիխ Մխիթարյանի և «Ռոմայի» պայմանագիրն ավարտվում է հունիսի 30-ին:
