Եվրոպայի եռակի չեմպիոն Հովհաննես Բաչկովին Գյումրիում դիմավորել են մարզային ու քաղաքային իշխանության ներկայացուցիչներ՝ գլխավորությամբ Գյումրի համայնքի ղեկավարի առաջին տեղակալ Արթուր Պապիկյանի, համայնքի ղեկավարի տեղակալ Դավիթ Առուշանյանի, սպորտի ոլորտի պատասխանատուներ, ներկայացուցիչներ և այլք: Այս մասին հաղորդում է համայնքապետարանի ֆեյսբուքյան էջը։
Ներկաները շնորհավորել են մարզիկին, միաժամանակ հույս հայտնել, որ հետագա մրցաշարերից ևս կվերադառնա նվաճումներով:
Հիշեցնենք, որ Երևանում անցկացվող Եվրոպայի առաջնությանը գյումրեցի բռնցքամարտիկ Հովհաննես Բաչկովը 63,5 կգ քաշայինների եզրափակչում մենամարտել է Ֆրանսիայի ներկայացուցիչ Լյունի Համրուիի հետ և տպավորիչ հաղթանակ տարել՝ նվաճելով Եվրոպայի չեմպիոնի տիտղոսը:
