Հայաստանի առաջատար բռնցքամարտիկ, Տոկիոյի Օլիմպիական խաղերի բրոնզե մեդալակիր, աշխարհի եռակի բրոնզե մեդալակիր Հովհաննես Բաչկովը երրորդ անգամ նվաճեց Եվրոպայի չեմպիոնի տիտղոսը:
63,5 կգ քաշային կարգի եզրափակչում Բաչկովը մենամարտեց Ֆրանսիայի ներկայացուցիչ Լունես Համրաույի հետ և հաղթանակ տարավ մրցավարների միաձայն որոշմամբ։ Երեք ռաունդներում էլ Բաչկովը հաղթեց 5։0 հաշվով։ Երրորդ ռաունդում նա նաև նոկդաունի ենթարկեց մրցակցին։
