«Ռոմայի» պորտուգալացի գլխավոր մարզիչ Ժոզե Մոուրինյոն «Ֆեյենորդի» դեմ Կոնֆերենցիաների լիգայի եզրափակիչից առաջ կայացած նախախաղային ասուլիսի ընթացքում հաստատել է, որ թիմի հայ կիսապաշտպան Հենրիխ Մխիթարյանը պատրաստ է այսօրվա հանդիպմանը:
«Հենրիխն առաջին մարզումն անցկացրեց ընդհանուր խմբի հետ Տրիգորիայում, որը բավականին անիմաստ էր, քանի որ բաց էր լրատվամիջոցների ներկայացուցիչների համար:
Դա կարևոր էր նրա համար, ես վստահում եմ Մխիթարյանի փորձին: Նա ավելի լավ գիտի իր մարմինը: Մարզման ավարտին ինձ ասաց, որ պատրաստ է»,- Մոուրինյոյի խոսքն է մեջբերում Football Italia-ն:
33-ամյա հայ կիսապաշտպանը 1 ամիս բացակայել է խաղադաշտից աջ ազդրի մկանային վնասվածքի պատճառով:
