Մայիսի 24-ին Վ․ Սարգսյանի անվան «Հանրապետական» մարզադաշտում կայացավ Հայաստանի Պրեմիեր լիգայի 35-րդ տուրի «Փյունիկ»-«Արարատ» հանդիպումը։
«Փյունիկը» առավելության հասավ մրցակցի նկատմամբ 1։0 հաշվով։ Խաղի միակ գոլը 30-րդ րոպեին խփեց Սերժ Դեբլեն:
Այսպիսով, մրցաշրջանի ավարտից մեկ տուր առաջ «Փյունիկը», վաստակելով 74 միավոր, վաղաժամ նվաճեց Հայաստանի Պրեմիեր լիգայի հաղթողի կոչումը։
«Փյունիկը» 15 անգամ դարձել է Հայաստանի Բարձրագույն խմբի առաջնության հաղթող, 8 անգամ՝ Հայաստանի Գավաթակիր և 9 անգամ՝ Սուպերգավաթակիր։
