Սենթ Լուիսում Ֆաբիանո Կարուանայի հաղթանակով ավարտվեց շախմատի Ամերիկայի գավաթի խաղարկությունը։ Եզրափակիչում նա երկու դասական պարտիայում 1,5։0,5 հաշվով պարտության մատնեց Հայաստանի հավաքականի նախկին առաջատար, ԱՄՆ-ի մարզական քաղաքացիություն ընդունած Լևոն Արոնյանին։
Դասական խաղի կիսաեզրափակիչում Լևոն Արոնյանը 0,5։1,5 հաշվով պարտվել էր Լենիեր Դոմինգեսին, որը եզրափակիչում դարձյալ երկու պարտիայում պարտվել էր Ֆաբիանո Կարուանային։
Արագ խաղի խրախուսական փլեյ-օֆֆում Լևոն Արոնյանը պարտության էր մատնել Լենիեր Դոմինգեսին և ստացել գլխավոր մրցանակի համար պայքարելու իրավունք։
Կարուանան հաղթանակի համար ստացավ 50 հազար դոլար + 10 հազար դոլար բոնուս։ Լևոն Արոնյանը ստացավ 35 հազար դոլար։
