Եվրոպա լիգայի 1/4 եզրափակիչի առաջին հանդիպման շրջանակում «Բարսելոնան» հյուրընկալվելիս մրցեց «Այնտրախտի» դեմ։
48-րդ րոպեին տանտերերի կազմում հաշիվը բացեց Անսգար Կնաուֆը։ 66-րդ րոպեին Ֆեռան Տոռեսը խփեց պատասխան գոլը։
78-րդ րոպեին գերմանական ակումբի կազմում երկրորդ դեղին քարտը ստացավ և խաղադաշտից հեռացվեց բրազիլացի պաշտպան Տուտան։ Դիմակայության պատասխան հանդիպումը տեղի կունենա ապրիլի 14-ին Իսպանիայում։
