Հունգարիայի մայրաքաղաք Բուդապեշտում ավարտվող հունահռոմեական ըմբշամարտի Եվրոպայի առաջնությունում Հայաստանի թիմը նվաճեց երրորդ բրոնզե մեդալը:
67 կգ քաշայինների բրոնզե մեդալի համար պայքարում աշխարհի առաջնության բրոնզե մեդալակիր Սլավիկ Գալստյանը մրցեց 2021 թվականի աշխարհի բրոնզե մեդալակիր, Վրաստանի ներկայացուցիչ Ռամազ Զոիձեի հետ և հաղթեց տուշեով: Գոտեմարտն ավարտվեց 4-րդ րոպեի մեկնարկին 5:3 հաշվով:
Հայաստանի հավաքականն ավարտեց պայքարը Եվրոպայի առաջնությունում: Էդուարդ Սահակյանի գլխավորած թիմը նվաճեց 1 ոսկե, 3 բրոնզե մեդալներ:
Եվրոպայի չեմպիոն հռչակվեց Մալխաս Ամոյանը (77 կգ), բրոնզե մեդալակիրներ՝ Ռուդիկ Մկրտչյանը (55 կգ), Գեւորգ Ղարիբյանը (60 կգ) եւ Սլավիկ Գալստյանը (67կգ):
