Բուլղարիայի Պլովդիվ քաղաքում ընթացող ազատ ոճի ըմբշամարտի մինչև 23 տարեկանների Եվրոպայի առաջնությունում մրցումային առաջին օրը պայքարի դուրս եկած Հայաստանի բոլոր ներկայացուցիչները կպայքարեն մեդալների համար, որոնցից երկուսը՝ ոսկե մեդալի:
Մարտի 11-ին ազատ ոճի ըմբշամարտի մինչև 23 տարեկանների Եվրոպայի առաջնությունում Հայաստանի հավաքականից մրցագորգ դուրս եկան Էդիկ Հարությունյանը (57 կգ), Հրաչյա Մարգարյանը (65 կգ), Նարեկ Հարությունյանը(70 կգ) և Մուշեղ Մկրտչյանը (79 կգ):
Հրաչյա Մարգարյանն ու Նարեկ Հարությունյանը եզրափակչում են և կպայքարեն չեմպիոնի կոչման համար: Մուշեղ Մկրտչյանը և Էդիկ Հարությունյանը կպայքարեն բրոնզե մեդալի համար:
