Տեսակետ
Հանդիպման ընթացքում քննարկվել են բավականին զգայուն հարցեր. Հակոբ Բադալյան
Քաղաքական մեկնաբան Հակոբ Բադալյանը «Ֆեյսբուքի» իր էջում գրել է.
«Հայաստանում ԱՄՆ դեսպան Քվինի կեցավայրում աշխատանքային ընթրիքի շրջանակում տեղի է ունեցել դեսպանի ու Հայաստանի պաշտպանության նախարարի հանդիպումը:
Ըստ պաշտոնական հաղորդագրությունների՝ քննարկվել են հայ-ամերիկյան գործակցությանը, ռեգիոնալ անվտանգությանը վերաբերող խնդիրներ, ինչպես նաև «փոխադարձ հետաքրքրություն ներկայացնող այլ հարցեր»:
Ամենաուշագրավը, սակայն, առաջին հերթին, հանդիպման ձևաչափն է: Օրինակ, ինչու՞ աշխատանքային ընթրիք դեսպանի կեցավայրում, այլ ոչ՝ պաշտոնական հանդիպում ՊՆ-ում: Հակված եմ կարծել, որ բուն խնդիրը եղել է հենց այլ, ըստ էության, ամերիկյան կողմի համար առավելագույնս վստահելի տարածքում զրույց կազմակերպելը: Սա, թերևս, նշանակում է, որ հանդիպման ընթացքում քննարկվել են բավականին զգայուն հարցեր: Դրանք, ըստ իս, վերաբերում են ռեգիոնալ իրավիճակին, որը մտնում է տուրբուլենտության նոր շրջափուլ՝ էապես պայմանավորված մերձավորարևելյան գոտում առկա իրողություններով»:
