Տեսակետ
«Կարող եմ երկու նախկին պաշտոնյայի անուն տալ, ովքեր Ստեփանակերտի իրենց բնակարանը վաճառել են պետությանը»․ Աթանեսյան
Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
«Արցախի տեղեկատվական շտաբը չգիտի՞, որ իր ոչ մի խոսքի անցյալ տարի սկսված շրջափակումից ի վեր այլևս հավատացող չկա: Հիմա էլ ասում է՝ բնակարաններ գնելու և ֆիանսական միջոցներ փոշիացնելու մասին լուրերը կեղծ են, Սամվել Շահրամանյանը հանդես կգա հայտարարությամբ: Հանդես կգա՝ կլսենք, կիմանանք, ի՞նչ եք, ղարաբաղցու ասած, առաջկտրուկ անում:
Հ.Գ. Բնակարանային կոմիտեի արխիվը կա՞: Եթե՝ այո, բացեք: Եթե՝ ոչ, ցանկացած հերքում ի՞նչ արժեք ունի:
Հ.Հ.Գ. Հարկ եղած դեպքում կարող եմ երկու նախկին բարձրաստիճան պաշտոնյայի անուն տալ, ովքեր Ստեփանակերտի իրենց, ի դեպ՝ նույն կառավարությունից անհատույց ստացած, երեք սենյականոց բնակարանը Բնակարանային կոմիտեի միջոցով վաճառել են պետությանը:
Թե բա՝ մի հավատացեք կեղծ լուրերին»:
