ԼՂ ԱԺ նախկին պատգամավոր Վահրամ Աթանեսյանը ֆեյսբուքի իր էջում գրել է.
«Ոչ Լավրովը, որ Բլինքենը չեն նստելու, մեզ համար Արցախի անկախության պլան չեն գրելու: Դա անցյալ կորուսյալ է:
Նույնիսկ ամենահարազատ մարդու, էս դեպքին հարմարը՝ հոր դիակը հողին է հանձնվում: Հետո ընտանեկան խորհրրդի են նստում՝ որոշելու, թե ի՞նչ և ինչպե՞ս են անելու, որպեսզի նա անհիշատակ չմնա, տունը չփլուզվի, եղբայրները չգժտվեն:
Մի՞թե դժվար է հասկանալ, որ անցնող ամեն օր Արցախը գլորում է անդունդ: Կարո՞ղ ենք կասեցնել՝ եկեք մի հայտարարի գանք: Երկնքից մանանա չի թափվելու: Լավրովն ինչ-որ «սկզբունքներ և պարամետրե՞ր« է մշակել՝ խորքով ուսումնասիրեք, խոր-քո՜վ:
Լավրովը մեզ բան է հուշել՝ վերնագրում հատուկ ընդգծելով, որ խոսքը նախկին ԼՂԻՄ հայ բնակչության մասին է, նրա իրավունքների:
Լավրովի մի պլանը մերժել ենք, ի՞նչ ենք ստացել:
Լաչինի միջանցքի սկզբնամասում սկաներ տեղադրելու առաջարկը մերժել ենք, ի՞նչ ենք ստացել: Ադրբեջանական անցակետով արցախցիների ելումուտը արգելել ենք, ի՞նչ ենք ստացել... Մնացածը շա՜տ ցավոտ է ասել»:
