Տեսակետ
Պարզ է, թե ինչ ասեղ է թելվում․ Ադրբեջան-Նախիջևան հաղորդակցության հսկողությունը հանձնել երրորդ երկրի. Աթանեսյան
ԼՂՀ ԳԽ նախկին պատգամավոր, հրապարակախոս Վահրամ Աթանեսյանը «Ֆեյսբուքի» իր էջում գրել է.
«Հայրենական մի լրատվամիջոց հրճվում է, որ Մարիա Զախարովան Հայաստանի ԱԽ քարտուղարին «թարս ապտակ» է հասցրել։ Մինչդեռ խոսքը երկրի ինքնիշխանության մասին է, և մամուլն առաջիններից մեկը պիտի ողջուներ գաղափարը, որ ապաշրջափակումից հետո սահմանային հսկողությունը Հայաստանն է իրականացնելու։
Մեկ այլ կայքում կարդում ենք, որ Արցախի նախագահ Արայիկ Հարությունյանը «մեքենաներ է անցկացնում Բերձորում Ադրբեջանի տեղադրած անցակետով» և բխեցնում, որ դա Նիկոլ Փաշինյանի հրահանգն է՝ ոչ միայն հայտարարություններով, այլև «կոնկրետ գործերով երաշխավորել Արցախն Ադրբեջանի կազմում ճանաչելու գործընթացը»։
Պարզ է, թե ինչ ասեղ է թելվում․ Ադրբեջան-Նախիջևան հաղորդակցության հսկողությունը հանձնել երրորդ երկրի, գուցե թե՝ վերջինս Լաչինի միջանցքի հսկողությունը վերականգնի։ Իսկ եթե չվերականգնի՞։ Նոյեմբերի 9-ի պայմանավորվածությունների ժամկետը լրանում է 2025թ․։ Իսկ Հայաստան-Ադրբեջան պայմանագիրը, եթե ստորագրվի, կունենա անժամկետ իրավական ուժ»։
